യുഎസില്‍ കൊറോണ മരണം ഒന്നര ലക്ഷം കവിഞ്ഞ് 151,518ലെത്തി.ഇന്നലെ കൊറോണ മരണത്തില്‍ കുതിച്ച് ചാട്ടമുണ്ടായി 1,662ലെത്തി. 24 മണിക്കൂറിനിടെ സ്ഥിരീകരിച്ച രോഗികളുടെ എണ്ണം പെരുകി 80,424ലെത്തി; മൊത്തം രോഗികളുടെ എണ്ണം 4,373,561 ആയാണ് വര്‍ധിച്ചിരിക്കുന്നത്.തൊട്ട് തലേദിവസം വെറും 366 പേര്‍ മരിച്ച നിലയില്‍ നിന്നാണ് ഈ കുതിപ്പുണ്ടായിരിക്കുന്നത്. ശനിയാഴ്ചത്തെ മൊത്തം മരണമായ 824 ആയും വെള്ളിയാഴ്ചത്തെ മരണമായ 1333 ആയും വ്യാഴാഴ്ചത്തെ മരണമായ 1141 ആയും ബുധനാഴ്ചത്തെ പ്രതിദിന മരണമായ 916 ആയും താരതമ്യപ്പെടുത്തുമ്പോഴും ചൊവ്വാഴ്ചത്തെ പ്രതിദിന മരണമായ 1441 ആയും തിങ്കളാഴ്ചത്തെ മരണമായ 393 ആയും ഞായറാഴ്ചത്തെ മരണമായ 549 ആയും താരതമ്യപ്പെടുത്തുമ്പോള്‍ ഇന്നലത്തെ മരണത്തില്‍ പെരുപ്പമാണുള്ളത്.
തൊട്ട് തലേദിവസം 45,859 ആയ സ്താനത്താണ് ഇന്നലെ അത് ഇരട്ടിക്കടുത്ത് പെരുകിയിരിക്കുന്നത്.ശനിയാഴ്ചത്തെ രോഗികളുടെ എണ്ണമായ 63013ആയി താരതമ്യപ്പെടുത്തുമ്പോഴും ഇതില്‍ പെരുപ്പമാണ്. എന്നാല്‍ വെള്ളിയാഴ്ചത്തെ പുതിയ രോഗികളുടെ എണ്ണമായ 94,558ഉം ആയി താരതമ്യപ്പെടുത്തുമ്പോള്‍ ഇക്കാര്യത്തില്‍ ഇടിവാണുള്ളത്.
യുഎസില്‍ രോഗത്തില്‍ നിന്നും മുക്തരായവരുടെ എണ്ണമാകട്ടെ 2,141,111 ആയിത്തീര്‍ന്നിട്ടുണ്ട്.ഏറ്റവും കൂടുതല്‍ മരണവും രോഗികളുള്ളതുമായ രാജ്യമെന്ന ദുരവസ്ഥയില്‍ നിന്നും ഇനിയും യുഎസിന് മുക്തിയുണ്ടായിട്ടില്ല.ഏറ്റവും പുതിയ റിപ്പോര്‍ട്ടുകള്‍ അനുസരിച്ച് 32,445 മരണങ്ങളും 428,303 രോഗികളുമായി ന്യൂയോര്‍ക്കിലാണ് ഏറെ വഷളായ അവസ്ഥയുള്ളത്.
ന്യൂജഴ്സിയില്‍ 15,639മരണങ്ങളുണ്ടായപ്പോള്‍ ഇവിടെ മൊത്തം 181,366 പേര്‍ക്കാണ് രോഗബാധയുണ്ടായിരിക്കുന്നത്.മസാച്ചുസെറ്റ്സില്‍ കോവിഡ് ബാധിച്ച് 111,827 പേര്‍ രോഗികളായപ്പോള്‍ 8,330പേരാണ് മരിച്ചത്.ഇല്ലിനോയ്സില്‍ കൊറോണ മരണങ്ങള്‍ 7,394 ഉം രോഗികളുടെ എണ്ണം 155,931 ആണ്.പെന്‍സില്‍ വാനിയയില്‍ രോഗികളുടെ എണ്ണം 100,378 ഉം മരണം 6,963 ഉം ആണ്.മിച്ചിഗനില്‍ 6,321 പേര്‍ മരിക്കുകയും 77,198 പേര്‍ രോഗബാധിതരാവുകയും ചെയ്തിരിക്കുന്നു. ഇവയ്ക്ക് പുറമെ രാജ്യത്തെ എല്ലാ സ്റ്റേറ്റുകളിലും കൊറോണ മരണങ്ങളും പുതിയ കേസുകളും എല്ലാ ദിവസവും റിപ്പോര്‍ട്ട് ചെയ്യപ്പെടുന്നത് തുടരുന്ന ആശങ്കാജനകമായ സാഹചര്യം തുടരുകയാണെന്നാണ് പുതിയ കണക്കുകള്‍ മുന്നറിയിപ്പേകുന്നത്.
Facebook
Twitter
